یارب نه اولار ، اومه تابان منیم اولسون ؟

هیجران اودونا دوشموشم ای گول ، منه رحم ائت

اغیار له اگلشمه کی ، هیجران منیم اولسون

یارین خیالی هر گئجه آنجاق قوناقیم دیر

باشدا بوهوس ، یار اؤزو مهمان منیم اولسون

قاشلاری کمان ، کیپریگی اوخ ، ساچلاری سونبول

ایکاش ! او ایکی گؤزلری جئیران منیم اولسون

گؤیاشی ده ییل ، قان سورولور چشم تریمدن

هئچرینده نچون دیده گریان منیم اولسون ؟

بیر عؤمردی دریای خیالتده غریقم

فریادیما یئت ، قویماکی ، طوفان منیم اولسون

لیلا کیمی سن ، سئیر ائله گولزار صفانی

مجنون کیمی قوی دشت بیایان منیم اولسون

من مهرو وفا عاشقی یم روز ازلدن

بویولدا اگر جور فراوان منیم اولسون

عؤمرون باهاری کئچدی  بیات عشق یولوندا

قوی بو آغاران باشلا ، زمستان منیم اولسون

 منیم گوزوم یولدادی

سنی گؤرجک گؤزه لیم غملریمی آتمیش اولوم ؟

منی ایللر بویو مجنون ائله ییب اویناداسان

نولو قوی منده سنی بیر گئجه اویناتمیش اولوم

گل گونش تک منه آیدین ائله بو روزگاری

منده اولدوز سایاقی ، سن چیخالی باتمیش اولوم

گل زلیخا کیمی قول آلماق اوچون بازاره

منده یوسیف کیمی  ، جان تحفه سینی ساتمیش اولوم

اذن وئر قوی چیخا بو آرزیلاریم دوغرو ، گولوم !

ایسترم قان قانینا ، جان جانینا قاتمیش اولوم

اویغودا گؤستر اوزون ، سن کی بیزه گلمیرسن

بو چیچک گؤنلو نوقوی بیر گئجه آلداتمیش اولوم

 منیم گوزوم یولدادی

گؤررهر گؤنده مین محنت ، باشی غوغادن آیریلماز

اجل درک ائتدی لیلانی ، کسیلسین ناله ی مجنون

ولی مجنونون عشقی تربت لیلادن آیریلماز

یانان شمعین طوافیندا آچار پروانه پریانسین

شرار عشقه بانماق عاشق شیدادن آیریلماز

گرک بازار عشق نقد جانیله گلن ، گلسین

اوباش کی شور عشقیله دولا ، سودادن آیریلماز

لبالب ایله می جامین گتیر وئر اخگره ساقی

غزل شعرینده شاعرلر ، می مینادن آیریلماز

 منیم گوزوم یولدادی

گرک یارین سئوه ن عاشیق د>زه هیجرانه غم چکمه

صداقتلی اولان عاشق یانار یارین فراقینده

شامین عشقینده اودلانسا گزه ر پروانه غم چکمه

قیزیل گول بسله مک اولماز بو آسانلیقلا باغبانه

گولوستانین گرک دردی قالا باغبانه ، غم چکمه

محبت یوردونا قویسا قدم عاشیق اولان هرکس

یانار محنت اوجاقیندا ، دورارمردانه غم چکمه

سئوینجین باده سی دولسا فراقیندا یارین ایچمه

گرک یارین الیندن بیر آلاق پیمانه غم چکمه

قالا حسرت گوله بولبول ، عجب سانمابونو صادق

وصالین عشقینه دؤزسه چاتار جانانه غم چکمه

 منیم گوزوم یولدادی